Undirmarkmið og mælikvarðar

8.1

Viðhaldið verði hagvexti á hvern einstakling í samræmi við aðstæður í hverju landi og að minnsta kosti 7% vexti vergrar landsframleiðslu á ári í þeim þróunarlöndum sem eru skemmst á veg komin.

8.1.1

Árlegur vaxtarhraði raunverulegrar landsframleiðslu á mann.
  • Birt

8.2

Aukinni framleiðni í atvinnulífinu verði náð með fjölbreytni, tækninýjungum og nýsköpun, meðal annars með því að beina athygli að vinnuaflsfrekum geirum sem fela í sér mikinn virðisauka.

8.2.1

Árlegur raunvöxtur vergrar landsframleiðslu á hvern vinnandi einstakling.
  • Birt

8.3

Unnið verði að framgangi þróunarmiðaðra stefnumála sem styðja við afkastamikla framleiðslustarfsemi, frumkvöðlastarfsemi, sköpunarmátt og nýsköpun og fjölga mannsæmandi störfum. Lítil og meðalstór fyrirtæki fái meðbyr, meðal annars með aðgengi að fjármálaþjónustu.

8.3.1

Hlutfall óformlegra starfa, eftir kyni.
  • Verið að kanna gagnalindir

8.4

Fram til ársins 2030 verði nýting auðlinda til neyslu og framleiðslu bætt jafnt og þétt og leitast við að draga úr hagvexti sem gengur á náttúruna í samræmi við tíu ára rammaáætlun um sjálfbæra neyslu og framleiðslu, með hátekjuríkin í fararbroddi.

8.4.1

Efnisspor, efnisspor á mann og efnisspor miðað við verga landsframleiðslu.
  • Verið að kanna gagnalindir

8.4.2

Innlend efnisnotkun, innlend efnisnotkun á mann og innlend efnisnotkun miðað við verga landsframleiðslu.
  • Birt

8.5

Eigi síðar en árið 2030 verði full vinna og mannsæmandi störf í boði fyrir allar konur og karla, þar á meðal ungt fólk og fatlað fólk, og sömu laun greidd fyrir jafnverðmæt störf.

8.5.1

Meðaltímakaup starfandi karla og kvenna, eftir starfi, aldri og fötluðum einstaklingum.
  • Birt

8.5.2

Atvinnuleysishlutfall eftir kyni, aldri og fötluðum einstaklingum.
  • Birt

8.6

Eigi síðar en árið 2020 hafi hlutfall ungmenna, sem eru atvinnulaus, stunda ekki nám eða þjálfun, lækkað verulega.

8.6.1

Hlutfall ungmenna (15-24 ára) sem stunda ekki nám, atvinnu eða eru í starfsþjálfun.
  • Birt

8.7

Gerðar verði tafarlausar og árangursmiðaðar ráðstafanir til þess að útrýma nauðungarvinnu. Nútímaþrælahald og mansal heyri sögunni til og tekið verði fyrir barnaþrælkun og hún bönnuð, þar á meðal herþjónusta barna, og eigi síðar en árið 2025 verði nauðungarvinna barna í allri sinni mynd úr sögunni.

8.7.1

Hlutfall og fjöldi barna á aldrinum 5-17 ára sem stundar barnavinnu, eftir kyni og aldri.
  • Birt

8.8

Réttindi á vinnumarkaði verði vernduð og stuðlað að öruggu og tryggu vinnuumhverfi fyrir allt launafólk, meðal annars farandverkafólk, einkum konur í þeim hópi og þá sem eru í óöruggu starfi.

8.8.1

Tíðni banvænna og óbanvænna starfstengdra áverka, eftir kyni og farandstöðu.
  • Birt

8.8.2

Að hve miklu leyti nýtur launafólk réttinda á innlendum vettvangi (félagafrelsis og kjaraviðræðna) byggt á gögnum Alþjóðavinnumálastofnunarinnar (ILO) og innlendri löggjöf, eftir kyni og farandstöðu.
  • Verið að kanna gagnalindir

8.9

Eigi síðar en árið 2030 hafi verið mótuð og innleidd stefna í því skyni að stuðla að sjálfbærri ferðaþjónustu sem skapar störf og leggur áherslu á staðbundna menningu og framleiðsluvörur

8.9.1

Hlutfall ferðaþjónustu af vergri landsframleiðslu alls.
  • Birt

8.10

Fjármálastofnanir innan lands verði efldar til þess að bæta aðgengi að banka-, trygginga- og fjármálaþjónustu fyrir alla.

8.10.1

a) Fjöldi viðskiptabankaútibúa á hverja 100.000 fullorðna einstaklinga og b) fjöldi hraðbanka á hverja 100.000 fullorðna einstaklinga.
  • Birt

8.10.2

Hlutfall fullorðinna (15 ára og eldri) með reikning hjá banka eða öðrum fjármálastofnunum eða greiðslumiðlunarþjónustu.
  • Birt

8.a

Þróunaraðstoð í viðskiptum verði aukin, einkum í þeim þróunarlöndum sem eru skemmst á veg komin, meðal annars á grundvelli sameiginlegrar tæknilegrar aðstoðar í viðskiptum.

8.a.1

Aðstoð vegna viðskiptaskuldbindinga- og greiðslna.
  • Birt

8.b

Eigi síðar en árið 2020 verði heildarstefnu um atvinnumál ungmenna hrundið í framkvæmd og atvinnusáttmáli Alþjóðavinnumálastofnunarinnar kominn til framkvæmda.

8.b.1

Fyrirliggjandi mótuð og rekstrartæk innlend áætlun hvað varðar atvinnumál ungmenna, annað hvort sem sérstök áætlun eða sem hluti af innlendri atvinnuáætlun.
  • Verið að kanna gagnalindir
Aftur upp