Undirmarkmið og mælikvarðar

11.1

Eigi síðar en árið 2030 geti allir orðið sér úti um fullnægjandi og öruggt húsnæði á viðráðanlegu verði, fátækrahverfi verði endurbætt og grunnþjónusta standi öllum til boða.

11.1.1

Hlutfall íbúa í þéttbýli sem búa í fátækrahverfum, óformlegu húsnæði eða óviðunandi húsnæði.
  • Birt

11.2

Eigi síðar en árið 2030 geti allir ferðast með öruggum sjálfbærum samgöngutækjum á viðráðanlegu verði á bættu vegakerfi. Lögð verði áhersla á betri almenningssamgöngur sem taka mið af fólki í viðkvæmri stöðu, konum, börnum, fötluðu fólki og öldruðum.

11.2.1

Hlutfall íbúa með auðvelt aðgengi að almenningssamgöngum, eftir kyni, aldri og fötluðum einstaklingum.
  • Birt

11.3

Eigi síðar en árið 2030 verði fjölgun í þéttbýli sjálfbær og íbúar alls staðar í heiminum taki meiri þátt í skipulagsmálum og samkomulagi um sjálfbærni.

11.3.1

Hlutfall milli landnýtingar og fólksfjölgunar.
  • Birt

11.3.2

Hlutfall borga með beinu þátttökuferli fyrir íbúa við skipulag og stjórnun þéttbýlis, með reglubundnum og lýðræðislegum hætti.
  • Birt

11.4

Blásið til sóknar til þess að vernda og tryggja náttúru- og menningararfleifð heimsins.

11.4.1

Heildarútgjöld (opinberra aðila og einkaaðila) á mann sem varið er til varðveislu, verndunar og friðunar allrar menningar- og náttúruarfleifðar, eftir tegund arfleifðar (menningararfleifð, náttúruarfleifð, blönduð arfleifð og arfleifð á heimsminjaskrá UNESCO), tegund stjórnvalda (landsstjórn, svæðisstjórn og sveitarstjórn), tegund fjármögnunar (rekstrarútgjöld/fjárfestingar) og tegund einkafjármögnunar (gjafir í fríðu, óhagnaðardrifinn einkageiri og kostun).

11.5

Eigi síðar en árið 2030 dragi úr fjölda þeirra sem deyja í hamförum og þeirra sem bíða skaða af þeim völdum. Dregið verði úr beinu efnahagslegu tjóni af völdum hamfara, í hlutfalli af vergri landsframleiðslu í alþjóðlegum samanburði, þar á meðal vatnstjóni, og áhersla lögð á að vernda fátæka og fólk í viðkvæmri stöðu.

11.5.1

Fjöldi dauðsfalla, týndra einstaklinga og fólks sem orðið hefur fyrir beinum áhrifum af völdum hamfara á hverja 100.000 íbúa.
  • Birt

11.5.2

Beint efnahagslegt tap af völdum hamfara í tengslum við verga landsframleiðslu á hnattræna vísu, skemmdir á þýðingamiklum innviðum og truflanir á veitingu grunnþjónustu.
  • Birt

11.5.3

(a) Skemmdir á mikilvægum innviðum og (b) fjöldi truflana á grunnþjónustu, sem rekja má til hamfara.
  • Verið að kanna gagnalindir

11.6

Eigi síðar en árið 2030 verði dregið úr skaðlegum umhverfisáhrifum í borgum, meðal annars með því að bæta loftgæði og meðhöndlun úrgangs.

11.6.1

Hlutfall fasts úrgangs frá þéttbýli sem er safnað saman með reglubundnum hætti og er fargað með viðunandi hætti sem hlutfall af heildarmagni fasts úrgangs í þéttbýli, eftir borgum.
  • Birt

11.6.2

Árlegt meðalgildi fíngerðs ryks (þ.e. PM2,5 og PM10) í borgum (vegið m.v. íbúafjölda).
  • Birt

11.7

Eigi síðar en árið 2030 verði græn svæði gerð örugg og aðgengileg fyrir almenning, einkum konur og börn, aldraða og fatlað fólk.

11.7.1

Meðalhlutfall uppbyggðra svæða í borgum sem eru opin svæði til almennrar notkunar fyrir alla, eftir kyni, aldri og fötluðum einstaklingum.
  • Birt

11.7.2

Hlutfall einstaklinga sem eru þolendur líkamlegrar eða kynferðislegrar áreitni, eftir kyni, aldri, fötlun og staðsetningu verknaðar, á síðastliðnum 12 mánuðum.
  • Verið að kanna gagnalindir

11.a

Stutt verði við jákvæð efnahags-, félags- og umhverfisleg tengsl milli þéttbýlis, þéttbýlla svæða í borgarjaðri og dreifbýlissvæða með því að styrkja áætlanir um byggðaþróun á landsvísu og innan svæða.

11.a.1

Fjöldi landa sem hafa þróunarstefnur á landsvísu eða svæðisvísu sem (a) bregðast við íbúaþróun, (b) tryggja jafnvægi byggðarþróun (c) örva staðbundið efnahagslíf
  • Verið að kanna gagnalindir

11.b

Eigi síðar en árið 2020 hafi borgum og íbúðarsvæðum fjölgað þar sem áætlanir og stefnumál eru samþætt og miða að aðkomu allra, auðlindanýting verði betri, dregið hafi úr skaðsemi af völdum loftslagsbreytinga og forvarnir gegn hamförum hafi verið efldar. Útbúin verði heildræn áhættustýring vegna hvers kyns hamfara í samræmi við Sendairammaáætlunina 2015–2030 og henni framfylgt.

11.b.1

Fjöldi landa sem hafa samþykkt og komið til framkvæmda innlendum áætlunum um að draga úr áhrifum hamfara í samræmi við Sendai-rammaáætlunina um forvarnir gegn náttúruvá 2015-2030.
  • Birt

11.b.2

Hlutfall sveitarstjórna sem hafa samþykkt og komið til framkvæmda staðbundnum áætlunum um að draga úr áhrifum hamfara í samræmi við innlendar áætlanir um það.
  • Verið að kanna gagnalindir
Aftur upp