Undirmarkmið og mælikvarðar

3.1

Eigi síðar en árið 2030 verði dauðsföll af völdum barnsburðar í heiminum komin niður fyrir 70 af hverjum 100.000 börnum sem fæðast á lífi.

3.1.1

Tíðni mæðradauða.
  • Birt

3.1.2

Hlutfall fæðinga þar sem faglærðir heilbrigðisstarfsmenn eru til staðar.
  • Birt

3.2

Eigi síðar en árið 2030 verði komið í veg fyrir nýburadauða og andlát barna undir fimm ára aldri, sem unnt er að afstýra, og stefnt að því að öll lönd nái tíðni nýburadauða niður í 12 af hverjum 1.000 börnum sem fæðast á lífi og dánartíðni barna undir fimm ára aldri að minnsta kosti niður í 25 af hverjum 1.000 börnum sem fæðast á lífi.

3.2.1

Dánartíðni barna undir 5 ára aldri.
  • Birt

3.2.2

Dánartíðni nýbura.
  • Birt

3.3

Eigi síðar en árið 2030 verði búið að útrýma farsóttum á borð við alnæmi, berkla, malaríu og hitabeltissjúkdóma, sem ekki hefur verið sinnt, og barist verði gegn lifrarbólgu, vatnsbornum faraldri og öðrum smitsjúkdómum.

3.3.1

Fjöldi HIV-sýkinga á hverja 1.000 íbúa, eftir kyni, aldri og helstu samfélagshópum.
  • Birt

3.3.2

Nýgengi berkla á hverja 100.000 íbúa.
  • Birt

3.3.3

Nýgengi malaríu á hverja 100.000 íbúa.
  • Birt

3.3.4

Nýgengi lifrarbólgu B á hverja 100.000 íbúa.
  • Birt

3.3.5

Fjöldi einstaklinga sem þarfnast inngrips vegna vanmeðhöndlaðra hitabeltissjúkdóma.
  • Birt

3.4

Eigi síðar en árið 2030 hafi ótímabærum dauðsföllum af völdum annarra sjúkdóma en smitsjúkdóma verið fækkað um þriðjung með fyrirbyggjandi aðgerðum og meðferð og stuðlað að geðheilbrigði og vellíðan.

3.4.1

Dánartíðni af völdum hjarta- og æðasjúkdóma, krabbameins, sykursýki eða langvinnra öndunarfærasjúkdóma.
  • Birt

3.4.2

Dánartíðni af völdum sjálfsvíga.
  • Birt

3.5

Efldar verði forvarnir og meðferð vegna misnotkunar vímuefna, þar á meðal fíkniefna og áfengis.

3.5.1

Umfang meðferðarinngrips (lyfjafræðilegrar, sálfélagslegrar og endurhæfingar- og eftirmeðferðarþjónustu) vegna vanda af völdum lyfjamisnotkunar.
  • Verið að kanna gagnalindir

3.5.2

Skaðleg notkun áfengis, skilgreint út frá innlendu samhengi sem áfengisnotkun á mann (15 ára og eldri) innan almanaksárs, í lítrum af hreinu áfengi.
  • Birt

3.6

Eigi síðar en árið 2020 verði búið að ná fjölda dauðsfalla og alvarlega slasaðra vegna umferðarslysa niður um helming á heimsvísu.

3.6.1

Dánartíðni af völdum umferðarslysa.
  • Birt

3.7

Eigi síðar en árið 2030 verði tryggður almennur aðgangur að heilbrigðisþjónustu á sviði kynheilbrigðis, meðal annars fyrir þá sem ætla að stofna fjölskyldu, og fræðsla og upplýsingagjöf veitt því tengdu. Tryggt verði að kynheilbrigði verði fellt inn í landsáætlanir.

3.7.1

Hlutfall kvenna á barneignaaldri (15-49 ára) sem fá fullnægjandi og nútímalega þjónustu m.t.t. fjölskylduáætlanagerðar.
  • Birt

3.7.2

Fæðingartíðni meðal unglingsstúlkna (10-14 ára annars vegar og 15-19 ára hins vegar) á hverjar 1.000 stúlkur í viðkomandi aldurshópi.
  • Birt

3.8

Komið verði á heilbrigðisþjónustu fyrir alla óháð fjárhagslegri stöðu, aðgengi veitt að góðri og nauðsynlegri heilbrigðisþjónustu og að öruggum, virkum og nauðsynlegum lyfjum og bóluefni á viðráðanlegu verði fyrir alla

3.8.1

Umfang nauðsynlegrar heilbrigðisþjónustu (skilgreint sem meðalumfang nauðsynlegrar þjónustu á grundvelli gátunaríhlutana sem taka til frjósemisheilbrigðis og heilbrigðis mæðra, nýbura og barna, smitsjúkdóma, smitlausra sjúkdóma, og þjónustugetu og aðgengis almennings og þeirra samfélagshópa sem standa höllustum fæti).
  • Verið að kanna gagnalindir

3.8.2

Hlutfall íbúa með mikil útgjöld vegna heilbrigðismála sem hlutfall af heildarútgjöldum- eða tekjum heimilis.
  • Verið að kanna gagnalindir

3.9

Eigi síðar en árið 2030 verði komið í veg fyrir, svo um munar, dauðsföll og veikindi af völdum hættulegra efna og loft-, vatns- og jarðvegsmengunar.

3.9.1

Dánartíðni sem rekja má til loftmengunar á heimilum og í andrúmslofti.
  • Birt

3.9.2

Dánartíðni sem rekja má til mengaðs vatns, lélegrar salernisaðstöðu og skorts á hreinlæti (ófullnægjandi aðgangur að hreinu vatni, salernisaðstöðu og hreinlæti, WASH-þjónustu).
  • Birt

3.9.3

Dánartíðni sem rekja má til eitrana af vangá.
  • Birt

3.a

Rammasamningi Alþjóðaheilbrigðismálastofnunarinnar um tóbaksvarnir verði hvarvetna hrundið í framkvæmd, eftir því sem við á.

3.a.1

Útbreiðsla tóbaksnotkunar hjá 15 ára og eldri, staðlað eftir aldri.
  • Birt

3.b

Stutt verði við rannsóknir og þróun bóluefna og lyfja gegn smitsjúkdómum og öðrum sjúkdómum sem herja einkum á fólk í þróunarlöndum, aðgengi verði veitt að nauðsynlegum lyfjum og bóluefnum á viðráðanlegu verði samkvæmt Dohayfirlýsingunni um TRIPS-samninginn og lýðheilsu sem staðfestir rétt þróunarlanda til þess að nýta sér til fulls ákvæði samningsins um hugverkarétt í viðskiptum í því skyni að vernda lýðheilsu og einkum og sér í lagi aðgengi allra að lyfjum.

3.b.1

Hlutfall markþýðis sem fengið hefur allar bólusetningar samkvæmt viðkomandi landsáætlun.
  • Birt

3.b.2

Samanlögð nettóþróunaraðstoð opinberra aðila til rannsókna í læknisfræði og helstu heilbrigðisgreina.
  • Birt

3.b.3

Hlutfall heilbrigðisstarfsstöðva sem búa yfir grunnbirgðum af viðeigandi nauðsynlegum lyfjum á viðráðanlegu verði á sjálfbærum grunni.
  • Birt

3.c

Talsvert verði aukið við fjármagn til heilbrigðismála sem og til nýliðunar, þróunar og þjálfunar og til að halda í heilbrigðisstarfsfólk í þróunarlöndum, einkum þeim sem eru skemmst á veg komin og þeim sem eru smáeyríki.

3.c.1

Þéttleiki og dreifing heilbrigðisstarfsmanna.
  • Birt

3.d

Öll lönd, einkum þróunarlönd, verði styrkt til að geta brugðist skjótt við og haft hemil á alvarlegri heilsuvá innan lands og á heimsvísu.

3.d.1

Geta og viðbúnaður gegn heilbrigðisvá samkvæmt alþjóðlegum heilbrigðisreglum (IHR).
  • Birt

3.d.2

Hlutfall blóðeitrana vegna valinna fjölónæmra baketería.
  • Verið að kanna gagnalindir
Aftur upp